Debatt
Gratulerer, Tsjekkia!
Av Kjell Arve Straumsvåg - 2006-12-19
Gratulerer Martina Sablikova og Tsjekkia med
europameisterskapet! Tsjekkisk europameister i allround er noko av det denne
sporten treng. Aukande internasjonalisering og fleire nasjonar representert
på pallen, og mindre kjedelege allroundmeisterskap som følgje er kjempefint!
Må fleire utfordrarar nå opp i framtida.
Allround-meisterskapa har altfor mange år vore dominert av Tyskland og
Nederland. Når Tsjekkia har to deltakarar på 5000-meteren og Tyskland tre og
Austerrike også var nær ved å bli representert igjen så er det bra. På ein
heldigare dag kunne Polen eller Noreg hatt to jenter med på siste distansen.
Dette er bra for sporten, for å herma etter Arne Scheie og Kjell-Kristian
Rike i NRK.
Eg vonar både skeisemiljøet og NRKs skeisekommentatorar i framtida vil gleda
seg like mykje som hopp- og skiskyttarkommentatorane gjer når løparar frå
mindre meriterte nasjonar når opp.
|