Debatt
Vi må auke rekrutteringa
Av Per-Helge Myklebust | 2008-02-05
Thorleiv Teigen sette i eit tidlegare grunngjeve
lesarinnlegg fokus på rekrutteringa i norsk skøytesport. Berre ein reaksjon
på dette temaet, gjorde at han i nytt innlegg utdjupar på ein sakleg måte
eit synleg problem og utfordring. Thorleiv dokumenterer og argumenterer så
godt at det kan vere vanskeleg å sette fingen på noko.
Thorleiv: Som tidlegare kretsleiar (i arverekkefylgja di)
og også klubbleiar siste året, så skjemmest eg over ikkje å ta tatt hansken
du kasta til debatt. Diverre drukna debatten eller den spora av, i det
problematiske og stadig tilbakevendande temaet om uttak til internasjonale
stemne og representasjon. Det er lettare å drøfte toppsatsing enn kva som
skjer/ bør skje på breiddesida.
Ein liten status frå Gol og Hallingdal:
I Gol har vi ca 110 ungar/ ungdomar registrerte på ”skøyteskulen” for 3.
året på rad, dei fleste er under 10 år. Vi har gledeleg vekst i vaksne med
skøyter på beina. Klubbløpa har frå 30 til 50 løparar på startstrek på
vanlegvis 3 distansar. Problemet i vinter er få klubbløp. Resultata er elles
ei ”villa” og strategisk satsing, som også har gitt ny landslagsløpar frå
bygda vår! Men vi har ikkje nådd alle måla våre enno!
Årets Hallingdalskarusell måtte avlysast, etter det eg
veit for fyrste gong på ca 35 år, ikkje på grunn av manglande is, men for
skuld iskvaliteten og klimaet. Påmelding av 120 løparar var vi nøgde med
sett i lys av sterk nedgang frå vestlandsklubbane (årsaker: fleire).
Alt måndag kveld var isforholda etter forholda på topp. I
alt 8 lag stilte til start på årets bedriftsstafett. I klassen idealtid/
kostyme var det Gol og Hemsedal Lensmannskontor som vann den oppsette
vandrepokalen før Montér I og med Turistbedriftene, NAV II og Gol Brann og
Redningsvesen på delt 3. plass. Montér I tok sitt fyrste napp i
vandrepokalen i racer- klassen føre Turistbedriftene, Montér II og Slaatto
Sag.
Vi held fram med å arrangere klubbløp, neste no er den
6.3.
4. mars vart hallingdalsmesterskapet avvikla i Hol med god
deltaking, størst i dei klassane der mester ikkje vert kåra. Men her er eit
pent knippe med 10 åringar i Hallingdal. Og vi hadde 3 (tre)
landslagsløparar på startstreken og ein olympier ringside! Diverre er det
årsklassar i aldersbestemte klassar med få eller ingen utøvarar, særleg er
det tynt på jentesida. Lisenstalet har siste åra vore lågare enn vanleg. Men
der vil vi nok sjå positive endringar i klubbane Gol og Hol.
Nokre konkrete synspunkt på Thorleiv Teigen sine
framlegg og andre syspunkt
- Eg tviler på om fleire mesterskap
(landsdelsmesterskap m.m.) er løysinga på utfordringa.
- Det undrar meg at det i terminlista er sommaris,
haustis, og 1-2 veldig tidlege nasjonale løp for så å inngå i ein lang
løpsferie før vi tek innspurten med Hamarløp og hektisk januar/ februar.
Ynskjer VI det slik? Kva kan/ vil klubbane/ kretsane gjere med det?
- Antar at resultat og erfaringar frå Challenger Cup er
positive og bør halde fram.
NSF treng fleire arrangørar (?)
- Klubbar/ kretsar som ynskjer vere arrangørar treng
arrangementa for å:
- Rekruttere leiarar
- Vise sporten lokalt
- Legg ei nasjonal terminliste som prioriterer løp ”i
Noreg”:
- Legg ikkje NC i Gøteborg og København
- Deltaking i scandinavia-cup etc, bør vere for dei
nestbeste (kvalifisering på tid)
- Sjå på Håvard Bøkko, hans konkurransesesong i år, og
antal konkurransar for våre juniorar og nestbeste løparar. Grunn til
ettertanke når vi ser på deltakinga i fleire NC?
- Vi har alle (leiarar, trenarar og løparar) eit felles
ansvar for utfordringane.
- NSF må vere synleg, og tydleg på mål, verkemiddel og
handling med forankring lokalt (klubb) og regionalt (krets).
Personleg har eg over mange år stussa over fleire
forhold:
- Kretsløpa nokre stader (no også i Buskerud) er borte.
Kvifor?
- Fordi løparane ikkje vil?
- Fordi foreldra ikkje vil?
- Fordi klubbtrenarane ikkje prioriterer det?
- Fordi klubbane ikkje prioriterer det?
- T.d. at leiarane reiser bort på større
stemne?
- Vi rekrutterer ikkje nok funksjonærar/
leiarar?
- Dei nasjonale løpa vert reduserte i antal og
deltaking. Kvifor?
- Det er eit ork å gå utandørs i vinterlege
forhold. Toler vi ikkje lengre kuldegrader under –6 ºC, litt regn,
og kanskje litt vind?
- Kan skøytesporten bli nemnande stor her til lands
med berre 2-3 skøytehallar?
- Kor realistisk er det at vi skal ha mange
skøytehallar med internasjonale mål og med istid som fremjar
idretten sine behov her ”på bjerget”.
Konkret framlegg:
Kva kan (bør?) gjerast knytt til dei tema som Thorleiv inviterer til:
1. NSF, breiddeutvalet, utarbeider ein rapport over
1.1. Utviklinga av antal lisensløparar, både på gute- og jentesida i
aldersbestemte klassar f.o.m. 10 år t.o.m. Jun. A over dei de siste og med
tilbakeblikk til 15, 20 og 25 år.
1.2. Utviklinga i deltakarar i nokre strategiske nasjonale løp for dei same
aldersklassane, og både jenter og gutar (Sandefjordløpet bør vere eitt av
desse løpa).
1.3. Utviklinga i antal deltakarar i dei respektive klassane i LM over same
tidsperiode
1.4. Kva finn ein av resultatutvikling ved å sjå 2 og 3 i samanheng?
2. NSF sender rapporten til klubbane og kretsane.
Kretsane skal ha lagleiarmøte og/ eller kretsting. Rapporten vert lagt fram
som sak
med siktemål å avklare:
2.1. Kva er status lokalt/ krets. (få ei felles bilde/ forståing)
2.2. Kva er ønska utvikling.
2.3. Verkemiddel for å nå ønska utvikling på klubb, krets eller landsdels og
forbundsnivå 2.4. Resultatet frå kretsane sitt arbeid vert lagt fram på NSFs
krets- og eller klubbleiarmøte.
|